La proposta indecente

Luca: Amore, te fazo na proposta per sugelare el nostro amore. Verzimo un blog!!*

Carla: cossa xeo sto blog?

Luca: ze come un sito, 'ndove che ti scrivi le to robe e te ghe le fè saver ai to amizi. Cossì tuto el mondo conossarà al nostro amor.

Carla: sitto fora?? adesso vago a dirghe a tutti i cassi mii... tse! No ghe penso gnanca.

Luca: ma no, ze bel! Pensa che tutti i to amizi trevisani podarà savèr en tempo reale cossa che ti fa qua a Trieste, no ze na bela cosa?

Carla: no me par proprio. Ghe o dirò mi quando che vao casa. E po' a Treviso non se usa propri sti blog che te dixi tì.

Luca: ma ti ghe meti anca le fotografie! Così ti ghe fe vedere la casa e la cità!

Carla: anca e fotografie te voj metarghe! Te si proprio un porco.

Luca: pezo roba, ti zi proprio aretrata ciò. No ti sé che adesso anche el sindaco de Trieste gà un blog? Nol sa gnanca parlar l'italian epur ga un blog. A sto punto lo pol ver anca i trevisani.

Carla: E va ben eora, se lo ga Di Piaxa vojo verlo anca mì. Però no te poi verla sempre vinta tì. Uffa.

Luca: Jude Vescul, sti feminis, ce balis!**

*Qua Bortolussi parla en triestìn, se ben che in verità el sarissi furlan. Spero che i triestini doc lo pardoni per i tanti erori ch'el farà, tanto più che scrivo mì che son trevisana. Pezo roba.

** E qua se capissi che el xe furlan.